صوت البلد للأنباء –
وجهت الفنانة زينة بعض النصائح للفتيات في اختيار ملابسهن خاصة ملابس السهرة، وطالبتهن بعدم ارتداء ملابس لا تناسبهن أو مكشوفة بطريقة مبالغ فيها.
وقالت زينة خلال لقائها في برنامج “الراديو بيضحك” من تقديم فاطمة مصطفى عبر إذاعة “الراديو 9090”: “في ناس ممكن تشوفيهم لابسين حاجة حلوة أوي يعني تشوفي واحدة لابسة فستان حلو أوي بس تقفي قدامه وتقولي مينفعش ألبسه، أنا بلبس اللبس اللي تقولي أه ينفع ألبسه طول الوقت بلبس زي الناس وحتى لو في حاجة قصيرة تبقى قصيرة بس مش مفتوحة من فوق”.
طلبت زينة من الفتيان اختيار الملابس المناسبة لهن
وتابعت زينة موجهة نصائحها للفتيات: “بقول للبنات اهدوا شوية حتى اللبس المفتوح لو عايزة تلبسي فستان سواريه إهدي وأنتي بتلبسي لو طلعنا كل حاجة في نفس الوقت هتبقى كل حاجة رخيصة مش حلوة لكن لو مثلا لبستي فستان طويل ليه فتحة هتبقى الحتة دي حلوة أوي وكل الناس هتبص عليها، اهدوا متأفوروش خليكوا طبيعيين، أنا حبيتوني لأني طبيعية لأني زيكم وبلبس شبهكم وينفع تلبسوا زيي سهلة التقليد”
قدمت زينة نصائح للفتيات عند اختيار الملابس
واستعادت زينة خلال اللقاء موقف محرج تعرضت له بسبب قطع في فستانها والتقاط صورا لها دون أن تدري قائلة: “أنا مرة اتحطيت في موقف بايخ أوي الفستان بتاعي اتقطع وأنا مش عارفة، وفيديوهات وصور انتشرت، مكنتش عايزة أشوفها أولا مش عايزة أخد ذنوب الناس اللي هتتفرج، والله ما كان قصدي أنا واحدة مش بتلبس كده ولو حصل كده المفروض تقدروا وتقولوا زينة مش بتلبس كده ومتعملش كده بتبقى حادثة مش العادي أنا مش بحب الحاجات دي”.
زينة
يذكر أن زينة يعرض لها في دور العرض السينمائية فيلم “الإسكندراني”.
فيلم “الإسكندراني” من إخراج خالد يوسف، ومستوحى من رواية تحمل الاسم نفسه للكاتب الراحل أسامة أنور عكاشة، ويضم فريقا مميزا من النجوم وهم أحمد العوضي، زينة، عصام السقا، بيومي فؤاد، حسين فهمي، صلاح عبد الله، محمود حافظ، محمد رضوان، ورحاب الجمل.
